మలేరియాతో మన్యప్రాంతం
Posted On Sat 25 Jul 23:49:45.415279 2015
రాష్ట్రంలో ఏ పార్టీ పాలన నడిచినా మన్య ప్రాంతంలో మాత్రం మలేరియా పాలన నడుస్తుంది. ఏటేటా వేలాదిగా గిరిజనులు మలేరియా రోగాన పడి జీవశ్చవాలుగా మారుతున్నారు. ఈ ఏడు కూడా నవ్యాంధ్రలో ఇదేపరిస్థితి పునరావృతమవ్వడం కడు దయనీయం. రాష్ట్రానికి నైరుతీ రుతుపవనాల రాక ఆలస్యమమౌతుందేమోగాని విషజ్వరాల ఋతువు టంచనుగా వచ్చి తీరుతుంది.అయినా అందుకు తగ్గ సంసిద్ధత ప్రభుత్వం తరపున పూజ్యం. అధిక శాతం గిరిజనులవి రోజువారీ కూలీబ్రతుకులు. అటు పౌష్టి కాహార లోపంతో అనారోగ్యం, ఇటు అనారోగ్య ంతో పౌష్టికాహార లోపం. ఈ పరిస్థితిని మెరుగుపర్చే అవ కాశం ప్రభుత్వం చేతిలో ఉంది. అయితే దురదృష్ట వశాత్తు ఇది తొలి ప్రాథమ్యంగా గుర్తించక పోవడమే అసలు సమస్య. లేకుంటే ఇలాంటి ఆరోగ్య అత్యధిక స్థితిలో మన్యప్రాంతంలో వైద్య సిబ్బంది, మందులు, అంబులెన్సులు కొర తలోఉండట మేమిటి? అన్ని సదుపాయాలు అందు బాటులో ఉండాల్సిన అశ్రమ పాఠాశాలల్లో సైతం ఏటేటా వందల సంఖ్యలో విద్యా ర్థుల అనారోగ్యాలు, పదుల సంఖ్యలో మరణాలు జరుగుతూనే ఉండట మేమిటి? రాజ్యాంగం ద్వారా దఖలు పడిన జీవించే హక్కు, విద్యాహక్కునూ గిరిబాలలు కోల్పోవడం కాదా? ప్రభుత్వం గిరిజన ప్రాంతంలో ఆరోగ్యం నెలకొల్పడానికి చిత్తశుద్ధితో, దీర్ఘకాలిక వ్యూహాలతో, లోపరహిత ఆచరణతో నడుంకట్టాలి. దాని కోసం గిరిజన ప్రాంతంలో రక్షిత మంచినీరు, పౌష్టికాహారం లభ్యతకు పూచీ ఇవ్వడం, వైద్య సిబ్బందిని భర్తీ చేసి మందులు, ఇతర వైద్య సదుపాయాలు పటిష్టపరిచి నిరంతరం అందుబా టులో ఉంచడం, దోమల నివారణా చర్యలు మొక్కు బడిగా జరగకుండా పర్యవే ేక్షించడం, మండల, జిల్లా పరిధుల్లో అన్ని శాఖల్ని సమన్వయ పరచి, ఆరోగ్య సేవల్ని దగ్గరుండి పర్యవేక్షించే అధికారిని ఉంచడం, నిధులు కేటాయించడం, మన్యప్రాంతంలో కనీసం మూడు ప్రత్యేక ప్రభుత్వ వైద్య కళాశాలలు నెలకొల్పడం గిరిజన ప్రాంతం లో ఆరోగ్యంపై వ్యాధులపై సర్వేలు, పరిశోధనలు, చికిత్స, నివారణా మార్గాలపై ఆ కళాశాలలు మార్గదర్శకం వహించేలా చూడటం వంటి చర్యలు చేపట్టాలి.
- డాక్టర్‌ డివిజి శంకరరావు, మాజీ ఎంపి, పార్వతీపురం, విజయనగరం జిల్లా.
- డాక్టర్‌ డివిజి శంకరరావు, మాజీ ఎంపి, పార్వతీపురం, విజయనగరం జిల్లా.
No comments:
Post a Comment