'నోట్ల రద్దు' నిరంకుశత్వం
ప్రముఖ ఆర్థికవేత్త, నోబెల్‌ గ్రహీత అమర్త్యసేన్‌ ||

కేంద్రప్రభుత్వం తీసుకున్న పెద్ద నోట్ల రద్దు నిర్ణయం నిరంకుశ చర్య అని ప్రముఖ ఆర్థికవేత్త, భారతరత్న, నోబెల్‌ గ్రహీత అమర్త్యసేన్‌ అభివర్ణించారు. కొంతకాలంగా అభివృద్ధి చెందుతున్న భారత ఆర్థిక వ్యవస్థను మోడీ మళ్లీ వెనక్కి తీసుకెళ్లారని ఆయన విమర్శించారు. అమర్త్యసేన్‌ బుధవారం ఓ జాతీయ మీడియా సంస్థతో మాట్లాడారు. కేంద్రం నిర్ణయం నమ్మకంపై ఆధారపడిన ఆర్థిక మూలా లకు అడ్డుకట్ట వేసే చర్య అని అన్నారు. బ్యాంకులతో పాటు దేశ ఆర్థిక వ్యవస్థ మొత్తాన్ని మోడీ నిర్ణయం బలహీనప రిచిందని, ప్రజల ఆత్మ విశ్వాసాన్ని దెబ్బతీసిందని తెలిపారు. మోడీ సర్కారు తీసుకున్న నిర్ణయం భవిష్యత్తులో భారత ఆర్థిక వ్యవస్థకు పెను విపత్తుగా మారే ప్రమాదమున్నదని ఆందోళన వ్యక్తం చేశారు. పెట్టుబడిదారీ విధానానికి తానేమీ అనుకూలం కాదని ఆయన స్పష్టం చేశారు. నల్లధనంపై పోరాటాన్ని అందరితో పాటు తాను కూడా స్వాగతిస్తానని చెప్పారు. నల్లధనం అతి కొద్ది మంది చేతుల్లోనే ఉన్నదని, దానిని వెలికి తెచ్చేందుకు చిన్న చర్య చేపడితే చాలన్నారు. కానీ దేశ ప్రజలందరినీ ఇబ్బందులకు గురి చేసేలా మోడీ తీసుకున్న నిర్ణయం సరికాదన్నారు. నల్లధనంపై జరిగే పోరాటం తెలివైనదిగా, మానవత్వం కలిగినదిగా ఉండాలన్నారు. కానీ కేంద్రం తీసుకున్న నిర్ణయం వెనుక ఇవేమీ లేవన్నారు. నోట్ల రద్దుతో నల్లధనం బయటికొస్తుందని, అవినీతి అంతమవుతుందని తాను నమ్మడం లేదని చెప్పారు. విదేశాల్లో దాచిన నల్లధనాన్ని త్వరలోనే వెనక్కి రప్పిస్తామని మోడీ గతంలో చెప్పారని, ఆ విషయంపై ఇంతవరకు పురోగతి లేదని చెప్పారు. నోట్ల రద్దు నేపథ్యంలో మోడీ ఇస్తున్న హామీలది కూడా ఇదే పరిస్థితి అని తెలిపారు. కేంద్రం నిర్ణయంతో సామాన్యులు ఇబ్బందులు ఎదుర్కొంటు న్నారని ఆవేదన వ్యక్తం చేశారు.

|| రెడ్‌ సెల్యూట్‌ కామ్రేడ్‌ కాస్ట్రో ||

ఒక మహా వృక్షం నేలకొరిగింది. ఒక మహా మనిషి భౌతిక జీవితం నుండి నిష్క్రమించాడు. ఫైడల్‌ కాస్ట్రో అనే సామ్రాజ్యవాద వ్యతిరేక పోరాట యోధుడు ఇకపై ప్రపంచ మానవాళికి స్ఫూర్తిగానే మిగులుతాడు. 90 ఏళ్ల నిండు జీవితాన్ని అత్యంత ఆదర్శవంతంగా, ప్రయోజనకరంగా గడిపిన కాస్ట్రో మరణించారన్న వార్త ప్రపంచ పీడిత ప్రజలను దిగ్భ్రాంత పరిచింది. దేశాధినేతలే కాదు ప్రపంచమంతటా ప్రజలు ఆ కమ్యూనిస్టు నేత మృతికి ప్రగాఢ సంతాపం తెలిపారు. కోటిమంది ప్రజలున్న ఒక చిన్న దేశమైన క్యూబా నేత మరణ వార్త ప్రపంచ వ్యాపితంగా ఇంతటి ప్రభావం చూపించడానికి కారణం ఆయన నమ్మిన సిద్ధాంతం, ఆ సిద్ధాంతం కోసం ఆటుపోట్లనెదుర్కొని ఆయన నిలబడిన తీరు, తను నిలబడడమే కాకుండా ''రానీ రానీ కష్టాల్‌ నష్టాల్‌ కోపాల్‌ తాపాల్‌ శాపాల్‌ రానీ'' అని శ్రీశ్రీ రాసినట్లు ఎన్ని కష్టాలు వచ్చినా, నష్టాలు జరిగినా సామ్రాజ్యవాదానికి దాసోహం కాబోము, సోషలిజాన్ని విడనాడబోము అని తన దేశ ప్రజలను నిలబెట్టిన తీరు. మంకాడా తిరుగుబాటు విఫలమైన తరువాత అరెస్టయి కోర్టు విచారణ నెదుర్కొన్న కాస్ట్రో సామ్రాజ్యవాద పదఘట్టనలకింద పడి నలిగిపోతున్న క్యూబన్ల విమోచన కోసం తను చేసిన పని తప్పుకాదనీ, 'చరిత్ర తనను విముక్తి చేస్తుంది'' (ఆరోపణలనుండి) అన్నాడు. కానీ వాస్తవానికి నేడు చరిత్ర కాస్ట్రోకు జేజేలు పలుకుతోంది. అమెరికా మద్దతు గల బాటిష్టా నిరంకుశత్వం నుండి, తన ముఖ్య స్నేహితుడైన చే గువేరాతో కలిసి క్యూబా ప్రజలను విముక్తి చేసినందుకు...సోషలిజం వినా ప్రజల స్వేచ్ఛా, స్వాతంత్య్రాలకు మరో ప్రత్యామ్నాయం లేదని నమ్మి క్యూబాలో సోషలిజాన్ని నిర్మించినందుకూ...చిన్న దేశంలోని సోషలిజాన్ని ఎత్తుకు పోడానికి సామ్రాజ్యవాద గద్ద చేసిన ప్రయత్నాలను ప్రజా మద్దతుతో తిప్పి కొట్టినందుకూ...చివరికి అమెరికన్‌ సామ్రాజ్యవాద ఆధిపత్యానికి దాని 'పెరటి దొడ్డి'లోనే గండి కొట్టినందుకు చరిత్ర కాస్ట్రోను జై కొడుతూనే ఉంటుంది.
90 ఏళ్ల జీవితంలో కాస్ట్రో సాధించిన విజయాలు చిన్నవి కావు. దశాబ్దాల అమెరికా దిగ్బంధాన్ని, సైనిక బెదిరింపులను తట్టుకుని క్యూబాలో సోషలిజాన్ని కాపాడ్డంలో ప్రధాన పాత్ర పోషించాడు. సామ్రాజ్యవాదానికి వ్యతిరేకంగా అలీనోద్యమాన్ని నిలపడంలో కీలక భూమిక నిర్వహించాడు. సోవియట్‌ యూనియన్‌ విచ్ఛిన్నానంతరం ప్రపంచ వ్యాపితంగా సోషలిజానికి, కమ్యూనిజానికి వ్యతిరేకంగా వీచిన హోరుగాలిని అధిగమించి 'సోషలిజమో, మరణమో' అన్న ఒకే నినాదం వెనుక క్యూబా ప్రజలను సమీకరించాడు. ఆ విధంగా 'సామ్రాజ్యవాదం అజేయం కాదు' అని మొట్టమొదటగా చిన్న క్యూబాలో నిరూపించాడు. ఒక వైపు పశ్చిమ దేశాల దిగ్బంధాన్నీ, వేధింపులనూ ఎదుర్కొంటూనే మరోవైపు ప్రపంచంలోని ప్రజా ఉద్యమాలకు ధైర్యంగా మద్దతిచ్చాడు. నమీబియా స్వాతంత్య్ర పోరాటానికీ, అనేక ఆఫ్రికా, మధ్య ప్రాచ్య దేశాల విముక్తి ఉద్యమాలకూ కాస్ట్రో నాయకత్వంలో క్యూబా అందించిన సహకారం ఎనలేనిది. వైద్య రంగంలో క్యూబాను ప్రపంచానికే ఆదర్శంగా, కార్పొరేట్‌ వైద్యానికి నిజమైన ప్రత్యామ్నాయంగా నిలిపిన ఘనత కాస్ట్రోదీ, ఆయన సహచరుడు అమరుడైన చే గువేరాదే. మానవాభివృద్ధిలోనూ, క్రీడల్లోనూ, సాంస్కృతిక రంగంలోనూ సోషలిస్టు క్యూబా ఒక మహా శక్తిగా మారడానికి కాస్ట్రో నాయకత్వంలోని క్యూబా కమ్యూనిస్టు పార్టీ చేసిన కృషి కారణం. సామాన్య కుటుంబం నుండి వచ్చి అసమాన్య లక్ష్యాలు సాధించిన కాస్ట్రో నిరాడంబరుడు. గొప్ప కమ్యూనికేటర్‌. మార్క్సిజం-లెనినిజం పట్ల నిబద్దత గల కమ్యూనిస్టు. ఆయన జీవితం, కృషి సోషలిజం సాధన కోసం పోరాడే ప్రజకు నిత్యం స్ఫూర్తి నిస్తుంది.
ఆ మహత్తర విప్లవ యోధునికివే మా జేజేలు!
కమ్యూనిస్టు వీరునికిదే మా రెడ్‌ సెల్యూట్‌!!

| వీళ్ళు హీరోలా? జీరోలా? ||

*నోట్లరద్దుతో తీవ్ర ఆర్థిక అనిశ్చితి.. మోదీ, జైట్లీ ఆర్థికవేత్తలు కాదు

*ఉర్జిత్ జీ....ఆర్థికవేత్తగా నువ్వేం చేశావ్‌?..

*మిగతా దేశాల అనుభవాలు తట్టలేదా?

*500కు ముందే 2వేల నోటా?..

*సాధారణ పరిస్థితులకు 12 నుంచి 15నెలలు

— బ్యాంకు అధికారుల సమాఖ్య

రిజర్వ్‌ బ్యాంకు గవర్నర్‌ ఉర్జిత పటేల్‌పై అఖిల భారత బ్యాంకు అధికారుల సమాఖ్య తీవ్రస్థాయిలో ధ్వజమెత్తింది. పెద్దనోట్ల రద్దుతో దేశంలో ఆర్థికంగా తీవ్ర అనిశ్చితి నెలకొందని, నోట్ల మార్పిడి కోసం జనం క్యూ లైన్లలో నిలబడి పిట్టల్లా రాలిపోతున్నారని, పని ఒత్తిడి పెరగడంతో గత 12 రోజుల్లో దేశవ్యాప్తంగా 11మంది బ్యాంకు అధికారులు మరణించారని ఈ విపరిణామాలన్నింటికీ ఉర్జిత పటేల్‌దే బాధ్యత అని తీవ్రస్థాయిలో ఆరోపించింది. ఇందుకు నైతిక బాధ్యతగా ఆయన సత్వరమే తన పదవికి రాజీనామా చేయాలని డిమాండ్‌ చేసింది. ఈ మేరకు సమాఖ్య ఉపాఽధ్యక్షుడు డాక్టర్‌ థామస్‌ ఫ్రాంకో ఓ ఆంగ్ల పత్రికతో మాట్లాడుతూ నోట్ల రద్దు విషయంలో ఆర్బీఐ ఏమాత్రం ప్రణాళికా బద్ధంగా వ్యవహరించలేదని విమర్శించారు. ఈ విషయంలో మిగతా దేశాల అనుభవాలను, లేదంటే స్వయంగా తమ గత అనుభవాలను అయినా కేంద్ర ప్రభుత్వం పరిగణనలోకి తీసుకోవాల్సిందని అభిప్రాయపడ్డారు. 1978లో అప్పటి ప్రభుత్వం నోట్లరద్దుకు ఉపక్రమించినప్పుడు అప్పటి ఆర్బీఐ గవర్నర్‌ ఐజీ పటేల్‌ తీవ్రంగా వ్యతిరేకించారనే సంగతిని ఆయన గుర్తుచేశారు. ప్రధాని నరేంద్ర మోదీగానీ, ఆర్థిక మంత్రి అరుణ్‌ జైట్లీగానీ ఆర్థిక వేత్తలు కారన్నారు. అయితే ఓ ఆర్థికవేత్తగా ప్రస్తుత ఆర్బీఐ గవర్నర్‌ ఉర్జిత పటేల్‌.. నోట్లరద్దు రూపంలో అత్యంత కీలకమైన నిర్ణయం తీసుకోవడంలో ఘోరంగా విఫలమయ్యారని ఆరోపించారు. పెద్దనోట్ల రద్దు విషయంలో రోడ్‌మ్యాప్‌ కరువైందని, ప్రస్తుతం ఆర్థిక వ్యవస్థలో ఏర్పడ్డ తీవ్ర గందరగోళ పరిస్థితికి, ఆందోళనలకు గురై సంభవిస్తున్న సామాన్య ప్రజల మరణాలకూ ఇదే కారణమని ఆరోపించారు. (ఆంధ్ర జ్యోతి)

| వీళ్ళు హీరోలా? జీరోలా? ||

*నోట్లరద్దుతో తీవ్ర ఆర్థిక అనిశ్చితి.. మోదీ, జైట్లీ ఆర్థికవేత్తలు కాదు
*ఉర్జిత్ జీ....ఆర్థికవేత్తగా నువ్వేం చేశావ్‌?..
*మిగతా దేశాల అనుభవాలు తట్టలేదా?
*500కు ముందే 2వేల నోటా?..
*సాధారణ పరిస్థితులకు 12 నుంచి 15నెలలు
— బ్యాంకు అధికారుల సమాఖ్య

రిజర్వ్‌ బ్యాంకు గవర్నర్‌ ఉర్జిత పటేల్‌పై అఖిల భారత బ్యాంకు అధికారుల సమాఖ్య తీవ్రస్థాయిలో ధ్వజమెత్తింది. పెద్దనోట్ల రద్దుతో దేశంలో ఆర్థికంగా తీవ్ర అనిశ్చితి నెలకొందని, నోట్ల మార్పిడి కోసం జనం క్యూ లైన్లలో నిలబడి పిట్టల్లా రాలిపోతున్నారని, పని ఒత్తిడి పెరగడంతో గత 12 రోజుల్లో దేశవ్యాప్తంగా 11మంది బ్యాంకు అధికారులు మరణించారని ఈ విపరిణామాలన్నింటికీ ఉర్జిత పటేల్‌దే బాధ్యత అని తీవ్రస్థాయిలో ఆరోపించింది. ఇందుకు నైతిక బాధ్యతగా ఆయన సత్వరమే తన పదవికి రాజీనామా చేయాలని డిమాండ్‌ చేసింది. ఈ మేరకు సమాఖ్య ఉపాఽధ్యక్షుడు డాక్టర్‌ థామస్‌ ఫ్రాంకో ఓ ఆంగ్ల పత్రికతో మాట్లాడుతూ నోట్ల రద్దు విషయంలో ఆర్బీఐ ఏమాత్రం ప్రణాళికా బద్ధంగా వ్యవహరించలేదని విమర్శించారు. ఈ విషయంలో మిగతా దేశాల అనుభవాలను, లేదంటే స్వయంగా తమ గత అనుభవాలను అయినా కేంద్ర ప్రభుత్వం పరిగణనలోకి తీసుకోవాల్సిందని అభిప్రాయపడ్డారు. 1978లో అప్పటి ప్రభుత్వం నోట్లరద్దుకు ఉపక్రమించినప్పుడు అప్పటి ఆర్బీఐ గవర్నర్‌ ఐజీ పటేల్‌ తీవ్రంగా వ్యతిరేకించారనే సంగతిని ఆయన గుర్తుచేశారు. ప్రధాని నరేంద్ర మోదీగానీ, ఆర్థిక మంత్రి అరుణ్‌ జైట్లీగానీ ఆర్థిక వేత్తలు కారన్నారు. అయితే ఓ ఆర్థికవేత్తగా ప్రస్తుత ఆర్బీఐ గవర్నర్‌ ఉర్జిత పటేల్‌.. నోట్లరద్దు రూపంలో అత్యంత కీలకమైన నిర్ణయం తీసుకోవడంలో ఘోరంగా విఫలమయ్యారని ఆరోపించారు. పెద్దనోట్ల రద్దు విషయంలో రోడ్‌మ్యాప్‌ కరువైందని, ప్రస్తుతం ఆర్థిక వ్యవస్థలో ఏర్పడ్డ తీవ్ర గందరగోళ పరిస్థితికి, ఆందోళనలకు గురై సంభవిస్తున్న సామాన్య ప్రజల మరణాలకూ ఇదే కారణమని ఆరోపించారు. (ఆంధ్ర జ్యోతి)

పెద్దనోట్ల రద్దు నిర్ణయం గ్రామీణ వ్యవస్థను అతలా కుతలం చేసింది. గ్రామీణ బ్యాంకుల సంఖ్య తగ్గడం, సహకార రంగాన్ని ప్రభుత్వం విస్మరించడం, సరిపడా ఎటిఎంలు లేకపోవడం వంటి కారణాలతో గ్రామీణ ప్రజానీకానికి పాతనోట్లు మార్చుకోవడంతోపాటు, వందనోట్లు కూడా అందుబాటులో లేకుండా పోయాయి. రబీ సీజన్ ప్రారంభానికి ముందు వెలువడిన నిర్ణయంతో దేశవ్యాప్తంగా రైతుల పరిస్థితి అగమ్యగోచరంగా మారింది. పంట చేతికి వచ్చింది. కూలీలు వున్నారు కాని పంటకోయాలి అంటే కూలీలు చిల్లర ఇస్తేనే వస్తామంటున్నారు. రబీ పంటకు అవసరమైన విత్తనాలు, ఎరువులు, పురుగుమందులు కొనడానికి వారి వద్ద డబ్బుల్లేవు. బ్యాంకులు కూడా రైతులకు రుణాలు యివ్వడానికి ముందుకురావడంలేదు. ఈ ప్రభావం వ్యవసాయ కూలీల మీద కూడా త్రీవంగా పడుతోంది. మారుమూల గ్రామాల్లో నెలకొనే ఈ పరస్థితులను అంచనా వేయడంలో కేంద్ర ప్రభుత్వం విఫలమైది.

1. దీని వల్ల లాభం తక్కువ ఖర్చు ఎక్కువ 
2. ప్రధాన మంత్రికి సలహాదారులు సరైన విధంగా చెప్పలేదు.
3. కరెన్సీ నోట్లు నల్లధనం కాదు. అన్ని కరెన్సీ నోట్లు తెల్లధనమే.
4. పన్నుకట్టని వ్యక్తికి చేరినప్పుడు నల్లధనంగా మారుతుంది. 
5. పన్నుకట్టే వ్యక్తి దగ్గరికి చేరినప్పుడు అది తెల్లధనంగా మారుతుంది.
6. పద్దతి, వ్యక్తులు నేరస్తులు కాగా నోట్టను ధ్వంసం చేస్తున్నారు.
7. పద్దతి, వ్యక్తులు మారకపోతే, కరెన్సీ, బంగారం, ఆస్తులను నల్ల ధనంగా ఉత్పత్తి చెయ్యడానికి ఉపయోగిస్తారు.

5. పన్నుకట్టే వ్యక్తి దగ్గరికి చేరినప్పుడు అది తెల్లధనంగా మారుతుంది.
6. పద్దతి, వ్యక్తులు నేరస్తులు కాగా నోట్టను ధ్వంసం చేస్తున్నారు.
7. పద్దతి, వ్యక్తులు మారకపోతే, కరెన్సీ, బంగారం, ఆస్తులను నల్ల ధనంగా ఉత్పత్తి చెయ్యడానికి ఉపయోగిస్తారు.
8. ప్రభుత్వం ధనవంతుల దగ్గర కరెన్సీ ఉందని భావిస్తుంది. పేదల దగ్గరే కరెన్సీ ఉంది.
9. 90% గల పేదలది లిక్విడిటీ కరెన్సీయే. ఇప్పుడు వారి దగ్గర కరెన్సీ లేదు.
10. వ్యాపార, వాణిజ్యాలు దెబ్బతింటాయి.
11. కరెన్సీని మార్చే ఖర్చు 10,000 నుండి 15,000 వేల కోట్ల వరకు ఉంటుంది.
12. వచ్చే రెండు మాసాలు బ్యాంకులు కరెన్సీ మార్పిడి, డబ్బును సమకూర్చటం, గుంపులను మేనేజ్‌ చెయ్యటం, ప్రజలు కూడా ఇదే పనిలో ఉంటారు. దీని వల్ల ఆర్థిక వ్యవస్థ పై చెడు ప్రభావం ఉంటుంది.
13.లిక్విడిటీ కొరత ఏర్పడి కార్యకలాపాలు స్థంబించుతాయి.
14. ద్రవ్వోల్బణం తగ్గుతుంది. ప్రజల దగ్గర డబ్బు లేకపోవడం వల్ల కొనుగోల్లు తగ్గుతాయి, ధరలు తగ్గుతాయి. ప్రజల కనీసం కూరగాయలు సైతం తినలేని పరిస్థితి ఏర్పడుతుంది.
15. ఆర్థిక కార్యకలాపాలు తగ్గితే ప్రభుత్వం పన్నుల వసూలు తగ్గుతుంది. ప్రజలు కొనుగోల్లు చేస్తేనే ప్రభుత్వానికి పన్నుల రూపంలో ఆదాయం.
16. '' నోట్ల రద్దు '' చర్య ప్రత్యేకమైనది. దానిని క్లిష్ట పరిస్థితుల్లో మాత్రమే ఉపయోగించాలి.

మోడీ జూన్‌ 3, 2014న అధికారంలోకి వచ్చారు.విదేశాలలోని తమ బ్యాంకు అకౌంట్లకు ఇండియా వ్యక్తి సంవత్సరానికి 75000 రూపాయాలు మాత్రమే డిపాజిట్‌ మాత్రమే చేసుకోవచ్చు. మోడీ ఈ పరిమితిని మే 26 2015న ఒక వ్యక్తి 2.5 కోట్లు పెంచుకోవచ్చని పరిమితి పెంచారు. ఆ విధంగా పెంచడం వల్ల గత 11 మాసాలలో ఇండియా నుండి 30,000 కోట్ల రూపాయాలు విదేశాలకు తరలించారు.

 గంట ముందే కోటి జమ చేసిన బిజెపి #

*ఆధారాలతో సహా రుజువు చూపిన సిపిఐ(ఎం)
*ఈ నెలలో మొత్తం రూ. 3 కోట్లు డిపాజిట్‌

పెద్ద నోట్ల రద్దు నిర్ణయాన్ని మోడీ ప్రకటించడానికి సరిగ్గా గంట ముందు బిజెపి పెద్ద మొత్తంలో నగదును బ్యాంకుల్లో డిపాజిట్‌ చేసింది. ఈ నెల 8న నరేంద్రమోడీ ప్రకటనకు ముందే బిజెపి బెంగాల్‌ రాష్ట్ర శాఖ ఎకౌంట్‌లో రూ. కోటి డిపాజిట్‌ చేసినట్టు సిపిఐ(ఎం) వెల్లడించింది. ఈ నెలలో మొత్తం రూ. 3 కోట్లను బిజెపి డిపాజిట్‌ చేసింది. ఇందుకు సంబంధించిన ఆధారాలను సిపిఐ(ఎం) ఎంఎల్‌ఏ, లెఫ్ట్‌ ఫ్రంట్‌ నేత సుజన్‌ చక్రవర్తి శనివారం మీడియాకు చూపారు. మోడీ ప్రకటనకు ముందు బిజెపి తన దగ్గర ఉన్న నల్లధనాన్ని వైట్‌ చేసుకుందని చెప్పారు. కోల్‌కతాలోని చిత్తరంజన్‌ అవెన్యూ వద్ద ఇండియన్‌ బ్యాంకులో ఈ మొత్తాన్ని డిపాజిట్‌ చేసినట్టు పేర్కొంది. ముందుగా రూ. 60 లక్షలను బిజెపి డిపాజిట్‌ చేసింది. ఇవి అన్నీ 1000 నోట్లు. తరువాత మరో రూ. 40 లక్షలను డిపాజిట్‌ చేసింది. ఇందులో 500, 1000 నోట్లు ఉన్నాయి. పార్టీ కేంద్ర కార్యాలయం పేరుతో ఉన్న పాన్‌ కార్డు ఈ డిపాజిట్‌్‌ చేయడానికి ఉపయోగించింది. బిజెపి పశ్చిమబెంగాల్‌ శాఖ సేవింగ్‌ ఎకౌంట్‌ నెంబరు 554510034లో ఈ మొత్తం జమ అయినట్టు పేర్కొంది. అంతేకాకుండా ఈ నెలలో మొత్తంగా మూడు కోట్ల రూపాయిలను బిజెపి ఇదే అకౌంట్‌లో డిపాజిట్‌ చేయడం గమనార్హం. ఈ నెల మొదటిన 75 లక్ష రూపాయిలను డిపాజిట్‌ చేసింది. ఇందులో 500, 1000 నోట్లు ఉన్నాయి. తరువాత ఈ నెల 5న ఇదే అకౌంట్‌లో ఒక కోటి 25 లక్షలు రూపాయిలను డిపాజిట్‌ చేసింది. ఇవి కూడా 500, 1000 నోట్లు మాత్రమే. బిజెపితోపాటు దానికి సన్నిహితంగా ఉండేవారందరికీ నోట్ల రద్దు విషయం ముందే తెలిసిందని, వారు తమ నోట్లను బ్యాంకుల్లో డిపాజిట్లు చేయడం, మార్చుకున్నారని సిపిఐ(ఎం) తెలిపింది. కాగా, ఇది యాదృచ్ఛికంగానే జరిగిందని బిజెపి పేర్కొంటుంది. ఉప ఎన్నికలు ఉన్నందున ఆ మొత్తాన్ని తెచ్చామని, దానిని బ్యాంకులో జమ చేశామని బిజెపి తెలిపింది. అయితే బయటపడింది కోటి మాత్రమేనని, మోడీ ప్రకటనకు గంట ముందు ఇంత పెద్ద మొత్తంలో నగదును డిపాజిట్‌ చేయడం యాదృచ్చికం ఎలా అవుతుందని సిపిఐ(ఎం) ప్రశ్నించింది. మిగిలిన రాష్ట్రాల్లో బిజెపి అకౌంట్లను కూడా తనిఖీ చేయాలని సిపిఎం ఈ సందర్భంగా విజ్ఞప్తి చేసింది. బిజెపికి పెద్దగా పట్టులేని రాష్ట్రంలోనే మూడు కోట్లు డిపాజిట్‌ చేస్తే, బిజెపి ఆధికారంలో ఉన్న రాష్ట్రాల్లోనూ, పట్టు ఉన్న రాష్ట్రాల్లోనూ బిజెపి ఇంకా ఎంతగా అవినీతికి పాల్పడి ఉంటుందో ఊహించుకోవచ్చని సిపిఎం తెలిపింది.

నోట్ల రద్దు - ప్రజావ్యతిరేక చర్య

Posted On: Friday,November 11,2016

             నవంబర్‌ 8వ తేదీ రాత్రి 8 గంటల ప్రాంతంలో జాతీయ టెలివిజన్‌ ఛానల్‌ ముందుకు వచ్చిన ప్రధాన మంత్రి నరేంద్రమోడీ ఆ రోజు అర్ధరాత్రి నుండే.. అంటే మరికొన్ని గంటల సమయంలో నే 500, 1,000 రూపాయల నోట్లను రద్దు చేస్తున్నట్లు ప్రకటించారు. దేశంలో నల్లధనం జాడ లేకుండా చేయడానికి ఈ అసాధారణ నిర్ణయాన్ని తీసుకున్నట్లు ఆయన సమర్థించుకున్నారు. మరో వాదన కూడా ఆయన వినిపించారు.
ఉగ్రవాదుల ద్వారా దేశంలోకి ప్రవ హిస్తున్న నకిలీ కరెన్సీని కూడా ఈ చర్యతో నిరోధించవచ్చని చెప్పారు. మోడీ ఈ ప్రకటన చేసిన తరువాత ఉత్సాహవంతులైన కొందరు ప్రభుత్వ మద్దతు దారులు ఈ చర్యను మెరుపు దాడి (సర్జికల్‌ స్ట్రైక్‌)తో పోల్చారు. ఉగ్రవాదంపై చేసిన మెరుపు దాడిగా వారు దీనిని అభివర్ణించారు.
నకిలీ కరెన్సీ విషయానికి తరువాత వద్దాం. రాష్ట్రపతి ప్రణబ్‌ ముఖర్జీ కూడా సంప్రదాయాలను వదిలి మరీ ప్రచారం కల్పించిన నల్లధనం విషయాన్ని ముందుగా పరిశీలిద్దాం. రూ.500, 1000 నోట్ల రద్దుతో దేశంలో నల్లధనం లేకుండా పోతుందన్న వాదన కేవలం అవగాహన లేకుండా చేసేదే. నల్లధన స్వభావం, దాని విస్తృతిని పూర్తి స్థాయిలో అర్థం చేసుకోలేని వారే ఈ తరహా వాదనను ముందుకు తెస్తున్నారు. వాస్తవానికి నల్లధనం చంచలమైన స్వభావం కలది. ఇది ఒకే చోట స్థిరంగా ఉండదు. ట్రంకు పెట్టెల్లో, పరుపుల్లో, నేలమాళిగల్లో దాచి పెట్టిన సొమ్ము కట్టలు, కట్టలుగా పెద్ద నోట్ల రద్దుతో బయటకు వస్తుందని ప్రభుత్వ వాదనను సమర్థించేవారి భావన. ఈ ఆలోచనతోనే 500, 1000 రూపాయల నోట్లు రద్దు అయిన తరువాత, వాటి మార్పిడి కోసం నల్లధనాన్ని నిలువ ఉంచుకున్న వాళ్లు ఆ భారీ మొత్తం మార్పిడి కోసం బ్యాంకులకు వస్తారని, సరైన లెక్కలు లేకుండా పెద్ద మొత్తంలో రద్దయిన నోట్లను తీసుకువచ్చే వారిని బ్యాంకులు అనుమానించి పన్నుల శాఖ అధికారులకు తెలియచేస్తే, ఆ నల్ల ధనానికి పన్ను వేసి దోషులను శిక్షిస్తారని వారు చెబుతున్నారు. ఈ విధంగా నల్లధనం తొలగి పోవడంతో పాటు, భవిష్యత్తులో ఇటువంటి పని మళ్లీ చేయకుండా ఉంటారని వారు చెబుతున్నారు.
ఈ వాదనలోని రెండవ భాగాన్ని పరిశీలిద్దాం ఒక వ్యక్తి 20 కోట్ల రూపాయల నల్ల ధనాన్ని 500, వెయ్యినోట్ల రూపంలో తన ఇంట్లోనే ఉంచుకున్నాడనుకుందాం. కొత్తగా చట్ట బద్ధమైన నగదు రూపంలోకి మార్చుకోవడానికి ఆ 20 కోట్ల రూపాయలను ఒకేసారి ఆయన బ్యాంకు వద్దకు తీసుకురాడు. (అలా తీసుకురావాలని భావించినా చట్టం ఒప్పుకోదు) దానికి బదులుగా ఆ భారీ మొత్తాన్ని చిన్నచిన్న భాగాలుగా విభజించి బ్యాంకు వద్దకు పంపుతాడు. డిసెంబర్‌ 30వ తేదిలోపు చిన్న మొత్తాలను మార్చుకోవడానికి అవకాశం ఉంది. ఈ సుదీర్ఘమైన ప్రక్రియ కూడా అవసరం లేదు. ఆ పని చేయడానికి త్వరలోనే కొత్త దళారీ వ్యవస్థ తెరపైకి వస్తుంది. పాత నోట్లను తీసుకుని కొత్త నోట్లను అందించడమే వీరి పని. దీనికి గాను వారు కొంత మొత్తాన్ని తమ సేవల ఫీజుగా తీసుకుంటారు. వాస్తవానికి ఈ తరహా దళారీ వ్యవస్థ చిన్న స్థాయిలో ఇప్పటికే ప్రారంభమైనట్లు వార్తలు వస్తున్నాయి. భవిష్యత్తులో అది మరింతగా వ్యవస్థీకృతమై భారీ మొత్తంలో మార్పిడికి కూడా సిద్ధమౌతుంది. ఈ పరిమితులను దృష్టిలో ఉంచుకునే పలువురు నిపుణులు కేంద్ర ప్రభుత్వం తీసుకున్న నోట్ల రద్దు నిర్ణయం స్వల్ప ఫలితాలనే చూపుతుందన్న అభిప్రాయాన్ని వ్యక్తం చేస్తున్నారు.
ముఖ్యమైన విషయమేమిటంటే, నల్లధనం అన్న పదమే అసంబద్ధమైనది. బహిరంగంగా చూపలేని, బ్యాంకు ఖాతాల్లో డిపాజిట్‌ చేయడానికి సాధ్యం కాని, రహస్యంగా నోట్ల కట్టల రూపంలో పరుపుల్లోనో, కంటైనర్లలోనో పెట్టి భూమిలో దాచి పెట్టడమనే అర్థాన్ని ఈ పదం ఇస్తోంది. నిజానికి నల్లధనం అంటే అన్ని రకాల చట్ట విరుద్ధమైన ఆర్థిక కార్యక్రమాలు మన మనసులోకి రావాలి. స్మగ్లింగ్‌, డ్రగ్‌ వ్యాపారం, ఉగ్రవాద కార్యక్రమాల కోసం ఆయుధాలు సంపాదించడం, చట్టబద్ధంగా అనుమతించిన దాని కన్నా ఎక్కువ తీసుకోవడం, పన్నులు చెల్లించక పోవడం తదితరాలన్నీ ఈ కోవలోకి రావాలి.
ఉదాహరణకు 100 టన్నుల ఖనిజాన్ని వెలికితీసి, పన్ను తగ్గించుకోవడం కోసం 80 టన్నులుగానే లెక్క చూపితే నల్లధనం కిందకే వస్తుంది. 100 డాలర్లకు విలువైన సరుకును ఎగుమతి చేసి, 80 డాలర్లగానే లెక్క చూపి మిగిలిన 20 డాలర్లను విదేశాల్లోని స్విస్‌ బ్యాంకుల్లో డిపాజిట్‌ చేసినా అది చట్ట వ్యతిరేకంగా జమ చేసిన నల్లధనమే అవుతుంది. రూపాయలను హవాలా పద్ధతుల్లో విదేశీ కరెన్సీలోకి మార్చి ఇతర దేశాల్లో డిపాజిట్‌ చేసినా నల్లధనమే! ఒక్క మాటలో చెప్పాలంటే బహిరంగంగా ప్రకటించని ఆర్థిక కార్యకలాపాలన్నీ నల్లధనం కిందకే వస్తాయి.
నల్లధనం అనేది ఒక ప్రవాహం, కదలిక లేని జడ పదార్ధం ఏ మాత్రం కాదు. దానికి బదులుగా ఇది నిరంతరం ప్రవహిస్తూ ఉంటుంది. రూపాలను మార్చుకుంటూ ఉంటుంది. నోట్లను కట్టలు, కట్టలుగా ఒక దగ్గర పడేసినందువల్ల ఎటువంటి ప్రయోజనమూ లేదు. అది లాభాలను సృష్టించదు. దానిని దాచిన వారికీ అది ఉపయోగపడదు. వాణిజ్య కార్యకలాపాలను విశ్లేషించిన కారల్‌మార్క్స్‌ ఈ తరహా నల్ల వ్యవహారాల పైనా వ్యాఖ్యానించారు. 'నగదును నిలువ చేసినందువల్ల లాభాలు రావు. లాభం కోసం నగదును చలామణిలో ఉంచాలి. దీనిలో మొదటి దానిని (నగదును నిలువ ఉంచడం) పిసినారి చేస్తారు. చలామణిలోకి తెచ్చి లాభాలు ఆర్జించాలని పెట్టుబడిదారులు భావిస్తారు. అందువల్ల నల్ల కార్యక్రమాల్లో నిమగమయ్యేది, నల్ల ధనాన్ని నిలువ చేసేది పెట్టుబడిదారులే కానీ పిసినారులు కాదు.
వ్యాపారంలో స్వల్ప, దీర్ఘకాలిక అవసరాల కోసం కొంత ధనాన్ని నిలువ చేసుకునే విషయం నిజమే! కానీ అది చట్టబద్ధమైన డబ్బు విషయంలోనే! నల్ల ధనం విషయంలో దీనికి భిన్నం. చలామణిలో చట్టబద్ధమైన నగదు మాత్రమే ఉంటుందని, నల్లధనం ఉండదనేది పూర్తిగా అవాస్తవం. నిజానికి చట్టబద్ధమైన నగదు చలామణిలో ఉన్నప్పుడు మాత్రమే నల్లధనం కూడా మారగలుగుతుంది. చలామణిలో ఉన్న కరెన్సీని నిలిపి వేయడమంటే రెండు రకాల నగదును అడ్డుకోవడమే! వాస్తవానికి నల్లధనాన్ని వెలికి తీయడమంటే నగదు నిల్వలపై దాడి చేయడం కాదు. నల్ల కార్యకలాపాలను నిర్వహించే వారిని పట్టుకోవడం. దీనికి చిత్తశుద్ధి, నిజాయతీ, బాధ్యతాయుతమైన వ్యవస్థ, నిష్ఫక్షపాతంగా వ్యవహరించే దర్యాప్తు బృందం కావాలి.
కంప్యూటర్లు వినియోగంలోకి రావడానికి చాలా రోజుల ముందు, బ్రిటిష్‌ ఇంటర్నల్‌ రెవిన్యూ సర్వీసెస్‌ అనే సంస్థకు ఆ దేశంలో పన్ను ఎగవేతదారులను పట్టుకోవడంలో మంచి పేరు ఉండేది. పూర్తి స్థాయి దర్యాప్తుతో ఆధారాలతో సహా ఆ సంస్థ ఆ పని చేసేది. భారత్‌తో పోలిస్తే బ్రిటన్‌ చాలా చిన్న దేశం. పన్నుల యంత్రాంగం పెద్దదిగా ఉండి, అవసరాలకు తగినట్టుగా ఉంటే నల్లధనాన్ని కనీసం ఆ దేశంలో నియంత్రించగలమని ఈ ఉదాహరణ రుజువు చేస్తోంది. సమర్థమైన పన్నుల విధానం, ఒపికతో దర్యాప్తు చేసే యంత్రాంగం ఉంటే, దీనిని ఏ దేశమైనా సాధించవచ్చు.
నల్ల కార్యకలాపాల్లో గణనీయమైన భాగం విదేశాల్లోని బ్యాంకుల ద్వారా నిర్వహిస్తున్నారు. నిజానికి ఇదే పెద్ద మొత్తంలో ఉంటుందని కొందరు నిపుణులు చెబుతున్నారు. నరేంద్రమోడీ తన ఎన్నికల ప్రచారంలో ఈ అంశాన్నే లేవనెత్తారు. విదేశాల్లో మూలుగుతున్న నల్లధనాన్ని వెనక్కి తీసుకువస్తానని ఆయన ప్రకటించారు. అప్పట్లో మోడీ కూడా నల్లధనమనే పదాన్ని విస్తృత అర్థంలో వాడలేదు. నగదు నిల్వలను దృష్టిలో ఉంచుకునే ఆయన ఆ హామీ ఇచ్చారు. విదేశీ బ్యాంకుల్లోనే నల్ల కార్యకలాపాలకు ఉపయో గించే నగదు నిల్వలు భారీగా ఉన్న విషయం నిజమైతే 500, వెయ్యి రూపాయల నోట్లను రద్దు చేసినందువల్ల వచ్చే ఫలితానికన్నా సామాన్యులు ఎదుర్కొనే కష్టాలే ఎక్కువ.
భారతదేశంలో కరెన్సీ నోట్లను రద్దు చేయడం ఇదే మొదటిసారి కాదు. 1946లో వెయ్యి, పదివేల రూపాయల నోట్లను రద్దు చేశారు. 1978లో మొరార్జీ దేశారు ప్రభుత్వం వెయ్యి, 5 వేలు, పదివేల రూపాయలనోట్లను జనవరి 16 అర్ధరాత్రి నుండి రద్దు చేసింది. ఆ రెండు సందర్భాల్లోనూ సామాన్య ప్రజలు ఎటువంటి కష్టాలకూ గురి కాలేదు. నిజానికి ఆ రోజుల్లో సామాన్యులకు ఆ నోట్లు అందుబాటులో ఉండేవి కావు. వారు వాటిని చూసే అవకాశం తాజాగా మోడీ సర్కారు తీసుకున్న నిర్ణయం నల్లధనంపై ఎటువంటి ప్రభావమూ చూపే అవకాశం లేదు. అయితే, సామాన్య ప్రజలకు మాత్రం తీవ్ర స్థాయిలో కష్టాలను మిగిల్చింది.
పెద్దనోట్ల రద్దు నల్లధనంపై అసలు ప్రభావం చూపదా అని కొందరు ప్రశ్నిస్తుంటారు. అది భారత్‌ వంటి నగదు ఆధారిత ఆర్థిక వ్యవస్థ నుండి దూరంగా జరిగే తరలింపును సూచిస్తుంది. నగదు రహిత వ్యవస్థను సృష్టించినప్పటికీ, విదేశీ బ్యాంకులు కేంద్రంగా నల్ల కార్యక్రమాలు నిర్వహించేవారు తప్పించుకుంటూనే ఉంటారు. అసలు నగదు రహిత భారతదేశమనే ఊహే నేల విడిచి సాము చేసే ప్రక్రియ. సామాన్యుల కష్టాల మీద (నరేంద్ర మోడీ ప్రజలందరికీ బ్యాంకు సేవలు అందుబాటులోకి తెస్తామని ఎంతగా చెప్పినప్పటికీ) ఏ మాత్రం అవగాహనలేని వారే ఇటువంటివి ప్రతిపాదిస్తారు. నగదు రహిత ఆర్థిక వ్యవస్థ సామాన్యులకు అదనపు భారంగానూ, వారి కష్టాలను మరింత పెంచేదిగానూ మారుతుంది.
ఇక టెర్రరిస్టుల ద్వారా దేశంలోకి వచ్చే నకిలీ కరెన్సీకి కళ్లెం పడుతుందన్న వాదనను పరిశీలిస్తాం. ఇది కొత్తగా ముద్రించే నోట్లలో వినియోగించే సాంకేతికను బట్టి ఉంటుంది కాబట్టి, ఆ వాదనను ప్రస్తుతానికి అంగీకరిద్దాం. అయితే, ప్రస్తుత కరెన్సీని రద్దు చేసి కొత్తగా ప్రవేశపెట్టే నోట్లు సైతం కాల క్రమేణా నకిలీల బారిన పడక తప్పదు. నకిలీ నోట్లు చలామణీలో ఉన్నాయన్న సంగతి ప్రభుత్వానికి అప్పటికప్పుడు తెలిసిన విషయమేమీ కాదు. అటువంటప్పుడు నవంబర్‌ 8వ తేదీ రాత్రి చేసిన ఆకస్మిక ప్రకటనతో ప్రభుత్వం ఆశించిందేమిటి? సామాన్య ప్రజల భద్రత, సౌకర్యాలపై అనూహ్య, ఆశ్చర్యకరమైన, రీతిలో సాగిన సామూహిక దాడిన ప్రభుత్వం ఆపడానికి ప్రభుత్వం ఎందుకు సిద్ధపడలేదు?
ఆధునిక భారత చరిత్రలో గతంలో ఎన్నడూ లేని విధంగా మోడీ ప్రభుత్వం సామాన్యులపై దాడి చేసింది. వలస ప్రభుత్వం కూడా సామాన్యుల ప్రజల సౌకర్యాల విషయలో మోడీ ప్రభుత్వం కన్నా విచక్షణతో వ్యవహరించింది. ఆ ప్రభుత్వం సమాజంలో అతి కొద్ది మందిగా ఉన్న సూపర్‌ ధనవంతులకు అందుబాటులో ఉన్న నోట్లను మాత్రమే రద్దు చేసింది. ప్రస్తుత ఈ అత్యవసర చర్య మోడీ ప్రభుత్వం చేపడుతున్న అనేక ఇతర అంశాల మాదిరే అప్రకటిత ఎమర్జన్సీ లాంటిది. ఇది ఎంతగా తెలివి మాలిన చర్యో ప్రజలకు అంతగా వ్యతిరేకమైనది.
- ప్రభాత్‌ పట్నాయక్‌